Основното јавно обвинителство Скопје по пристигнато известување од Секторот за компјутерски криминал и дигитална форензика при Министерството за внатрешни работи отвори предмет за статус на социјалната мрежа Фејсбук, објавен од лидер на политичка партија.
„Истовремено за истото лице пристигнаа две кривични пријави, поднесени од здружението на граѓани Хелсиншки комитет за човекови права и две физички лица, а се однесуваат на друг статус објавен на социјалните мрежи Фејсбук и Твитер.
Основното јавно обвинителство Скопје по оформување на предметот, издаде наредби за електронско документирање на сите спорни статуси од социјалните мрежи кои ги објавил пријавениот, до Секторот за компјутерски криминал и дигитална форензика при Министерството за внатрешни работи.
Воедно, во насока на утврдување на фактите, надлежниот јавен обвинител го повика пријавеното лице да даде исказ во обвинителството,“ се вели во соопштението.
Имено, лидерот на Левица, Димитар Апасиев по освојувањето на доволен број на гласови за влез во Собранието, напиша:
Џабе ни се лижете. Сите ќе ве стреламе <3
Posted by Димитар Апасиев on Среда, 15 јули 2020
ПОВРЗАНИ ВЕСТИ
Апасиев: „Левица“ е оштетена за околу 10 илјади гласа, украдени ни се тројца пратеници
Савески за „Левица“: Апасиев покажа дека играњето на картата на национализмот се исплатува
Бранимир Јовановиќ: Оваа Левица е екстремно десна, национал-социјалистичка, фашистичка
Фото: Фејсбук/Левица