Од СДСМ информираат дека нивниот лидер, Зоран Заев од утре заминува на годишен одмор и дека тие ќе ја прават новата Влада, по Илинден.
“Иднината е обезбедена, државата продолжува на вистинскиот пат, уште подобро и уште повеќе.
Мандатот за составување на следната уште поодговорна и уште поотчетна Влада е кај Зоран Заев, следниот премиер на Република Северна Македонија.
Имајќи го предвид изминатиот период исполнет со корона криза и предизборни кампањи, СДСМ се залага во деновите до и околу Илинден граѓаните да може да здивнат од политичките активности на партиите.
После Илинден, согласно законските рокови, влегуваме во процес на дефинирање на владината коалиција водена од СДСМ.
Законските рокови ќе бидат целосно запазени, државата ќе добие функционални и легитимни институции“, велат од партијата.
ПОВРЗАНИ ВЕСТИ
Постизборен пазар во Македонија: Победникот или поитриот ќе формира Влада?
ДУИ „ќарила“, СДСМ и ВМРО-ДПМНЕ изгубиле пратенички мандати
За првпат партиите од албанскиот блок со 32 пратенички мандати