Клеветите, обвинувањата, нападите не престануваат, но се додека сум јавна личност ги очекувам и ќе се соочам со кампањата на поттикнување и клевети, во медиумите и на суд, но не верував дека можете да бидете толку ниски, со напади врз моите членови на семејството без никаква основа и без никаква причина, кои работат во приватниот сектор многу порано пред јас да почнам да се занимавам со политика, напиша на Фејсбук, заменик на претседателот на Владата и министер за политички систем и односи меѓу заедниците, Артан Груби по повод обвинувањата на ВМРО-ДПМНЕ за богатење на неговото семејство.
„Обвинувањата и клеветите на ВМРО ДПМНЕ и довчерашните на албанските експоненти и нивните познати пријатели во случаите Алфа, Монструм и Дива Населба, освен што се лаги без никакви факти и претставуваат најниско можно ниво на политика, се добро координирани и продолжение на нивната заедничка кампања за оштетување на ДУИ, претседателот, мене и високите експоненти на ДУИ, како и на реформскиот и интегративен пат преку Алијансата за Европа наспроти изолирачките сили предводени од ВМРО и помогнати од некои Албанци, за жал, кои целосно се ставија во служба на овие напори против проевропските сили.
Овие обвинувања и други што се шират преку овие експоненти, како кредитот и хипотеката на мојот брат за деловниот објект на неговиот 20-годишен бизнис, се присутни во јавноста повеќе од една година и никој од пропагандистите, Албанци или Македонци, не ги доставува своите „докази” до институциите, туку клеветите ги користат за политички кампањи, рушење на угледот и дефокусирање“, напиша Груби.
Тој додава дека ја охрабрува изолирачката и клеветничка коалиција предводена од ВМРО-ДПМНЕ, Левица и оние Албанци кои се ставени во нивна служба, да го пријават до надлежните институции секој доказ за секој потенцијален криминал што го претендираат.
„Овие клевети и обвинувања никогаш нема да ме спречат мене, ниту моите пријатели, ниту ДУИ, да го демонополизираме секој криминален монопол што го создале, да го либерализираме секој пазар и да им ги запреме чешмите на нив!
Ќе продолжиме со храбри одлуки и политики кои можат да им наштетат на индивидуалните и криминалните групни интереси, но се добри за државата и граѓаните со целосна транспарентност,“ пишува Груби.
ПОВРЗАНИ ВЕСТИ
(Видео) Семејството Груби трупа милионски бизниси и имот, обвинуваат од ВМРО-ДПМНЕ
Фото: Влада