Во Градската болница „ 8 Септември“ вчера почина 42-годишна докторка од Кумановската болница од Ковид-19, која дошла со многу тешка клиничка слика, потврдија од болницата за „Фокус“.
„Во нашата установа е дојдена со 60 посто сатурација на РТГ АРДС. Анестезиолозите немале видено пообезен пациент болен од ковид некогаш хоспитализиран кај нас.
Се лекувала во домашни услови, додека не и паднала сатурацијата. Докторите се пациенти како и сите други, нема зошто третманот да им биде поразличен.
Три дена лежеше кај нас, прими и конвалесцентна плазма и ремдисивир, покрај се друго по препораките“, велат за „Фокус“ од Градската болница.
Од таму уште додаваат дека, докторката имала над 150 килограми, хронични болести, како метаболен синдром и дијабетес мелитиус.