Кривичниот совет на одделението за организиран криминал и корупција при скопскиот Кривичен суд ја одби жалбата на СЈО против решението на судија на претходна постапка за определување мерка претпазливост за поранешниот градоначалник на Кочани, Ратко Димитровски и за сопственик на НОЕЛ Експорт Импорт, Томе Главчев.
– Кривичниот совет на одделението за организиран криминал и корупција при Основниот суд Скопје 1, постапувајќи по жалба на Специјалното јавно обвинителство изјавена против решенија на судија на претходна постапка, донесе решение со кое жалбата на Обвинителството се одбива, а се потврдува решението на судија на претходна постапка, се наведува во соопштението од Судот.
По однос на став 2 од жалбата, а по службена должност, со решението на советот на осомничените Р.Д. и Т.Г. се опредлува дополнителна мерка претпазливост и тоа привремено одземање на патна исправа и забрана за издавање нова.
ПОВРЗАНИ ВЕСТИ
СЈО поднесе жалба на одлуката на Основниот суд за тројцата осомничени од предметот „Поштенска банка“
Tројца осомничени за новата истрага на СЈО „Поштенска банка“ добија мерки за претпазливост