Судското рочиште меѓу штипската градежна компнаија „Бетон“ и грчката „Итеркат“, што беше закажано за денеска е одложено за на 24 декември, информираат од Основниот суд во Штип.
„Бетон“ побарува пари за извршените градежни работи на новата Клиничка болница во Штип. Овој судски предмет е повторно пред првостепениот суд, откако Врховниот суд го врати назад.
Основниот суд во Штип лани донесе одлука и за блокирање на сметката на грчката компанија, а штипски Бетон во два наврати побара и стечај, а овој предмет сега е во Граѓанскиот суд во Скопје.
– Пред Основниот граѓански суд Скопје поднесени се две барања за покренување стечајна постапка од страна на Бетон АД Штип против ПСТД Интраком Констракшнс – Интеркат. И во двата наврати барањето е одбиено. Едното решение станално правосилно во ноември лани, другото во февраури годинава, се вели во писмениот одговор на Основниот граѓански суд во Скопје.
Од епилогот на судските рочишта ќе зависи и понатамошната изградба на новата зграда на Клиничка болница-Штип.
Минатиот месец Банката за развој на Советот на Европа најави повлекување од проектот, токму поради бавната динамика на изградба. Министерствата за здравство и за финансии сега бараат дополнителни 14 милиони евра.
Болницата требаше да биде изградена до 2019 година, а во современиот-дијагностички центар здравствена услуга да добиваат над 250.000 жители.
МИА