еМагазин во серијал ќе Ви ги пренесе биографиите на членовите на новата Влада.
Која е Јована Тренчевска
Јована Тренчевска е новата министерка за труд и социјална политика, која од 2020 година е в.д. директорка на Државниот инспекторат за труд.
Тренчевска е родена во Струмица.
Таа е дипломиран социолог, која своето обрзование го стекнала на Универзитет „Св. Кирил и Методиј“ во Скопје.
Дипломирала во 1994 година, а во 2012 година се стекнала со звање магистер по социолошки науки на истиот Универзитет, на Институтот за социологија.
Знае англиски јазик, посетувала повеќе обуки и е коавтор на повеќе публикации и анализи, стои во нејзината биографија.
Професионална и политичка кариера
Од 2018 до 2020 беше државна секретарка во Министерство за труд и социјална, а во 2018 година беше раководителка на Одделението за родова еднаквост, Сектор за еднакви можности при Министерство за труд и социјална политика.
Од 2003 до 2018 година ја извршуваше функцијата советничка за родова еднаквост, Сектор за еднакви можности при Министерство за труд и социјална политика.
Од 2000 до 2003 беше координаторка на ресурсен центар за унапредување на родовата еднаквост, Организација на жени Струмица, програма на Македонски центар за меѓународна соработка.
ПОВРЗАНИ ВЕСТИ
Кој е Адмирим Алити, новиот министер за информатичко општество и администрација
Кој е Беким Сали, наследникот на Венко Филпче
Фото: МТСП