По бурните реакции во јавноста дека Зоран Заев, за време на кризна состојба поради големите пожари низ Македонија, заминал на одмор, премиерот се појави во беровско Будинарци.
ПОВРЗАНИ ВЕСТИ
Заев и дел од министрите до 12. август на одмор
Како што информираа од Владата тој заминал на одмор на 3 август, а требаше да одмора до 12 август. Остана мистерија каде одморал овие денови.
Тој се појави во Будинарци со министерот за здравство Венко Филипче и министерката за одбрана, Радмила Шекеринска.
Објави фотографии на Фејсбук и напиша:
„Беровско Будинарци е уште едно од македонските населени места кои се исправија пред огнот и заедно со пожарникарите, со своите мештани и со солидарната помош се борат за безбедност и за спас на околината.
Шумите лесно се палат, а тешко се гасат – порачувам да внимаваме сите, да ја ставиме безбедноста на прво место и да ги спречиме сите ризици кои може да предизвикаат пожар.
Во овие денови на регионална солидарност, уште еднаш упатуваме огромна благодарност за помошта која е веќе на теренот, а пристигна од Србија, од Бугарија, од Словенија и од Австрија, како и за двата авиони кои пристигнуваат од Романија.
Ситуацијата ја следиме постојано и будно, во постојана ангажираност и координација се сите капацитети на државата и заедно со граѓаните и со пријателската помош заедно ќе се справиме со оваа опасност“.
ПОВРЗАНИ ВЕСТИ
Заев планира одмор на Јадранско море, Турција или Грција, а ќе има и викенд-дружба со Ципрас
Фото: Фејсбук/Заев