Се продолжува периодот на платено отсуство од работа поради нега и одгледување на новородено и посвоено дете се до истекот на траење на времените мерки поради корона вирусот.
„Со уредба со законска сила на Законот за работни односи што ја донесе Владата, отсуството од работа на работничка поради бременост, раѓање и родителство и посвојување, продолжува да тече и надоместокот на плата продолжува да се исплаќа до истекот на траењето на времените мерки за заштита од ширење и превенција од коронавирусот“, информира Министерството за труд и социјална политика (МТСП).
Оттаму нагласуваат дека продолжувањето на породилното отсуство ќе се регулира преку Фондот за здравствено осигурување.
Министерството за труд и социјална политика укажува дека заштитата на мајчинството е примарно, а грижата за здравјето и безбедноста на мајките и децата нема алтернатива.
ПОВРЗАНИ ВЕСТИ
Сите детали: 17 починати од коронавирусот во Македонија, еден од починатите е од Косово
Коронавирусот само во Прилеп затвори две компании
Мапа: Во половина македонски градови има заболени од корона вирусот
Детален преглед: Најголем број од новозаболените од корона вирусот во Струга и Скопје