Министерот за здравство Венко Филипче денеска информираше дека за таткото и братот на Верица Балчовска, чии што органи беа донирани, се обезбедени вработувања.
„Утрово се сретнав со семејството на младата Верица Белчовска, чии органи беа донирани и спасија животи. Најмалку што можеме да сториме за овие неизмерно хумани луѓе е да им помогнеме.
Преку донатори се обезеди вработување за таткото и братот на Верица, а на почетокот од месецов, Владата им додели на користење стан во општина Струмица.
Белчовски донесоа одлука која нема цена, тие на сите ни покажаа што значи да си човечен, ова семејство во моменти кога го изгубија најмилото, мислеа како да спасат други животи, за што сите сме им вечно благодарни,“ напиша Филипче на Фејсбук.
ПОВРЗАНИ ВЕСТИ
Фото: Фејсбук/Филипче