Професорот на Технички факултет во Битола, Дејан Трајковски кој на фејсбук речиси секојдневно прави анализи за бројот на заразени, починати од Ковид-19, како и анализа на репродукциониот број, советува да се избегнуваат затворените простори пред кафулињата и рестораните.
„Сите летни бавчи пред кафулињата зимава се практично херметички затворени простории. Ако внатре во кафулињата има некаква вентилација, во овие импровизирани коронарници сигурно нема.
Значи, вентилација нема, растојание нема, маски нема, ама затоа заразени има, вирусни аеросоли има и Брауново движење на честичките исто така има.
Чувајте го своето здравје и здравјето на своите блиски, не влегувајте и не седете во овие ризични места. Не дозволувајте властите со своите непромислени одлуки да ве држат во заблуда дека овие опасни места се безбедни, потпрете се на својот здрав разум и задржете научен поглед на светот,“ апелира Трајковски.
Фото: Фејсбук/Трајковски