Министерката за надворешни работи на Бугарија, Екатерина Захариева на својот Фејсбук профил информираше дека бугарската Амбасада во Скопје упатила протестна нота до македонското Министерство за надворешни работи (МНР), поради тоа што царинските службеници на Граничниот премин Деве Баир не му дозволиле на бугарски државјанин да внесе во Македонија 920 бугарски книги.
ПОВРЗАНИ ВЕСТИ
Царинската управа за бугарските книги кои беа задржани на граница
„После ова во Белград Захариева на апарати“: Твитер реакции за вакцинацијата на Македонци во Србија
За Захариева, ова е скандал и за тоа ќе ги информирала Европската комисија и амбасадите на членките на ЕУ во Скопје.
„Амбасадата на Бугарија во Скопје упати протестна нота до МНР на РС Македонија за одлуката на царинските власти на ГП ‘Деве Баир’ за запирање на пратка од 920 бугарски книги за Бугарскиот културно – информативен центар во РСМ.
Примероците од ‘Бугарски народни песни од браќата Миладинови’ беа пренесувани од бугарскиот државјанин Виктор Стојанов, кој на граничниот премин ‘Деве Баир’ го покажал договорот за донација со кој книгите ќе бидат доставени во нашиот културен центар“, пишува Захариева.
Со нотата, бугарската Амбасада бара објасување „зошто се наметнува посебно овластување за увоз на литература од земја членка на ЕУ, што никаде не е регулирано и апсурдно е да се случува во 2021 година во земја која тврди дека сака да влезе во ЕУ“.
ПОВРЗАНИ ВЕСТИ
Анализа на ИФИМЕС: Бугарски „десант“ на Македонија со пари од ЕУ
Бугарското МНР пак реагираше на анализи на Меѓународниот институт за блискоисточни и балкански студии (ИФИМЕС) од Љубљана. Бугарското МНР соопшти дека македонскиот в.д. амбасадор е повикан на разговор поради кампања што ја водел ИФИМЕС од Љубљана против бугарските власти.
ПОВРЗАНИ ВЕСТИ
(Фото) Захариева неинформирана: Бугарски културен центар во Македонија има уште од 2005 година
Фото: Захариева/Фејсбук