САД: Очекуваме ЕУ да донесе одлука за преговори со Северна Македонија годинава

САД силно веруваат дека Северна Македонија треба да добие датум за почеток на преговорите што е можно поскоро, изјави денеска в.д. амбасадорката на САД во земјава Микаела Швајцер-Блум.

-Владата на Соединетите држави силно верува дека Северна Македонија заслужува датум за отворање на преговорите во најскоро можно време. Ние ја зедовме предвид изјавата од состанокот синоќа и сме охрабрени дека ЕУ ќе донесе одлука Северна Македонија да ги отвори пристапните преговори оваа година, рече Швајцер-Блум во изјава за МРТВ во врска со пристапните преговори за земјата, објавена на фб-статусот на Американската амбасада.

Министрите за надворешни работи на ЕУ, вчера во Луксембург донесоа одлука според која земјите членки на Унијата ќе се навратат на прашањето за отворањето преговори со земјава и Албанија најдоцна во октомври, 2019 година.

МИА

ПОВРЗАНИ ВЕСТИ

Влада: Најмногу за датум за нас се „бореa“ Грција, Австрија, Словенија…

„Ќе се апси ли нешто до октомври или по одмори ќе се иде?„: Твитер реакции за недобивањето датум за преговори со ЕУ

Зошто Кипар се заканува со вето за старт на преговорите на Македонија и Албанија со ЕУ?