Во последните 12 месеци, 18% од населението во земјава користело роаминг, покажува истражувањето на Агенцијата за електронски комуникации.
Повеќе од една четвртина (27%) од корисниците на роаминг се информираат за цената за роаминг во соодветната земја. Роамингот најчесто се користи за испраќање на СМС пораки – 78% и за разговори 54,8%, додека интернет во роаминг користеле само – 18% од корисниците на роаминг.
Во 16% од случаите, корисниците добиле нереално висока сметка за роаминг што претставува пад од 2% во однос на 2018 година. Повеќето од лицата што добиле висока сметка за роаминг сметаат дека висината на сметката се должи на користењето разговори (36%) и користењето на интернет (32%), додека 40% не знаат на што се должи висината на сметката.
Телефонски приговарале 9% од корисниците на мобилна телефонија и 21% од нив биле потполно задоволни од одговорот на операторите. Бројот на незадоволни корисници од одговорот е намален во однос на 2018 за 6%.
Писмен приговор упатиле 2% од корисниците на мобилна телефонија, од кои повеќето (82%) приговарале за висината на сметката. На 82% од испитаниците што поднеле писмен приговор им е одговорено за помалку од 15 дена.
ПОВРЗАНИ ВЕСТИ
Сите детали: За колку ќе поевтини роамингот со земјите од регионот
Со кои земји од Западен Балкан од денеска се намалува роамингот