Министерот за здравство, Венко Филипче информираше дека неделава се очекуваат да пристигнат 50 нови респиратори за дишење кои биле нарачани.
Тој исто така додаде дека преку Кинеската амбасада во Македонија, ќе се обидат да набават уште 200 од Кина, кои би требале да пристигнат со медицински персонал, бидејќи некој ќе мора да знае да ги употребува.
Филипче исто така информираше дека од цела држава на располагање се ставени околу 400 медицински сестри и 200 анестезиолози, во случај ако затреба ротирање на тимови по клиниките.
Министерот истакна дека искрено се надева, нема да има многу пациенти на кои ќе им треба механичка помош за дишење.
Во борбата против корона вирусот, се вклучија и приватните болници.
ПОВРЗАНИ ВЕСТИ
Клиниката „Жан Митрев“ ги стави на располагање своите ресурси во борбата против коронавирусот
„Гардијан“: Епидемијата на коронавирусот во Британија ќе трае до следната пролет во 2021 година
Корона вирусот ја урна цената на горивата: Рекордно намалување на бензинот и дизелот