Не стивнуваат реакциите во македонската јавност по одлуката на Владата да ги прифати препораките на Комисијата за заразни болести меѓу кои и да се забрани гостување на пејачи/музички групи/диџеи во угостителските објекти кои послужуваат пијалаци и храна, вклучително и во ресторанскиот дел на угостителските објекти за сместување (хотели/мотели), а за да се спречи шиерење на Ковид-19.
Со владината одлука се ограничува и максималното ниво на бучава во угостителските објекти на 55 децибели, а во Протоколот за отворање и работа на угостителските објекти и во Протоколот за отворање и работа на кафетериите се ограничува дозволениот максимален број на лица на една маса на 4 лица.
За ваквата одлука бурни реакции има меѓу усгостителите кои веќе се на работ на пропаст и повеќето од нив се жртви на неколкумина објекти во кои во изминативе денови не се почитуваа протоколите за Ковид-19.
Ако Владата, од разбирливи причини ограничува на една маса да седат само четворица, сосем е нејасно зошто забранува во локалите да има настап на диџеи, пејачи и музички групи.
Со тоа, само се демонстрира немоќ за контрола на работењето на овие објекти, а најголеми жртви се изведувачите кои буквално ќе останат без леб поради ваквите владини политики.
ПОВРЗАНИ ВЕСТИ
Владата забрани настапи на пејачи и диџеи по локалите, на една маса дозволено да седат 4 лица