еМагазин
Image default
Бизнис ТОП СТОРИИ

Скопјанец лани остварил над 7 милиони евра бруто-доход

Жител на Скопје минатата година остварил и пријавил 446 милиони денари годишен бруто-доход, информираа од Управата за јавни приходи (УЈП).

Највисока годишна бруто-плата во 2022 година исплатена е на граѓанин од Скопје во дејноста трговија на големо со производи од тутун и изнесува 144 милиони денари.

На листата на највисоко рангирани бруто плати се и исплатените во дејностите: производство на вино и грозје, на метални производи, болници, трговија со фармацевстки производи, управувачки дејности и компјутерско програмирање.

„Највисокото лично примање по основ на извршена работа го пријавил граѓанин од Скопје и изнесува 280,6 милиони денари на годишно ниво, а доходот е остварен во странство.

На врвот на листата за исплата на највисок доход од самостојно вршење дејност повторно се скопјани, а највисокиот износ е 61,9 милиони денари.

Во 10-топ рангирани на листата се наоѓаат адвокати, нотари, угостители, одгледувачи на жито и мешункасти растенија и од дејноста производство на анбалажи од хартија. Највисокиот доход од продажба на земјоделски производи е во износ од 18,9 милиони денари, а ја остварил жител на Скопје,“ информираше директорката на УЈП, Сања Лукаревска.

Највисоката капитална добивка минатата година изнесува 173,4 милиони денари, а е остварена и пријавена од граѓанин на Скопје кој продал удел во трговско друштво чија дејност е производство на филмови, видео филмови и телевизиска програма.

Податоците на УЈП покажуваат и дека највисоката исплатена дивиденда е во износ од 229,6 милиони денари на граѓанин на Скопје, кој се јавува како сопственик на удел во компанија чија дејност е болници.

Во категоријата друг доход, жител на Tетово пријавил гoдишен бруто доход од 181 милиони денари, кој е исплатен од странски компании кои работат со социјални мрежи и видео платформи. За тој износ, лицето платило 18,1 милион денари данок на личен доход.

ПОВРЗАНИ ВЕСТИ

Наjмладиот милионер во денари заработил 1.015.740 денари од закупнини

Фото: Unsplash

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Капиталните добивки се уште не треба да се оданочуваат, смета Штериев

Редакција

Починале 4 лица кои повторно се заразиле со Ковид-19

Редакција

Од 93,96 проценти обработени податоци: Коалицијата Можеме освои 36,13 отсто од гласовите, ВМРО-ДПМНЕ 34,65 проценти

Редакција