Од октомври до денеска се заштитени пет трговски марки со кратенката МК, една трговска марка со МАК, три со Macedonia и една со придавката македонско, велат за еМагазин од Заводот за индустриска сопственост.
По потпишувањето на Договорот од Преспа (јуни), со кој во следниве три-четири години ќе се регулираат и прашањата за имињата и термини за комерцијална намена, трговски марки и сл., кои ги содржат зборовите Македонија, придавката македонска/македонско/македонски и сл., во јули имало 79 регистрирани трговски марки (правни и физички лица) кои го содржат зборот Македонија и 77 трговски марки кои ја содржат англиската верзија на името: Macedonia, велат од Заводот.
Кратенката МК ја има кај 79 трговски марки, кратенката МАК во 35 трговски марки, а придавката македонски ја има кај 12 регистрирани трговски марки.
Што предвидува Договорот од Преспа?
Прашањето за употребата на имињата и термините за комерцијална намена, трговски марки и сл. ќе го регулира меѓународна група на експерти, која треба да биде формирана годинава.
“Во врска со погоренаведеното име и термини во имиња за комерцијална намена, трговски марки и заштитни знаци, Страните се согласуваат да им дадат поддршка и да ги охрабрат своите деловни заедници да воспостават искрен, структуиран и во добра волја дијалог, во чии рамки ќе бараат и ќе постигнуваат заемно прифатливи решенија за прашањата кои произлегуваат од имињата за комерцијална намена, трговските марки и заштитни знаци и за сите релевантни прашања, на билатерално и на меѓународно ниво.
За спроведување на претходно наведените одредби, ќе се формира меѓународна група на експерти, која ќе ја сочинуваат претставници на двете држави, а во контекст на Европската Унија и со соодветен придонес на Обединетите нации и ИСО.
Оваа Група на експерти ќе се формира во текот на 2019 година и ќе ја заврши својата работа во рок од три години. Ниту една одредба од член 1, став 3 (ж) нема да влијае на сегашната комерцијална употреба сè додека не се постигне заемна согласност, како што е предвидено во оваа алинеја„, стои во Договорот.
ПОВРЗАНИ ВЕСТИ
Грчките бизнисмени во трка да ги заштитат имињата и брендовите со „Македонија”
Ќе замине ли знамето од Вергина (Кутлеш) во историјата? Што предвидува Договорот од Преспа
Скопје ќе биде „преплавено„ со „грчки“ споменици: Следи имплементација на Договорот од Преспа