еМагазин
Image default
Македонија

Словенија ќе го ратификува Протоколот за влез на Македонија во НАТО во вторник

Добредојдовте во НАТО! Денеска е историски ден што ретко се случува во нашите животи. Им честитам на македонските власти и на сите оние кои придонесоа кон тоа и овозможија Македонија денеска со пристапниот Протокол да стане де факто 30-та членка на Алијансата. Сега уште претстои процесот на ратификација од земјите-членки на НАТО.

Ова денеска го изјави словенечкиот амбасадор во земјава Милан Јазбец, по повод потпишувањето во Брисел на Протоколот за прием на Македонија во НАТО.

Рече дека од денеска претставниците на земјава ќе бидат на сите состаноци на работните тела на НАТО и ќе дебатираат, освен на Одборот НАТО-Русија и Нуклеарниот одбор, но нема да има право да гласаат се додека не биде завршена ратификацијата во сите земји-членки. Истакна дека премиерот Зоран Заев и министерката за одбрана Радмила Шекеринска, веќе се повикани на самитот на НАТО.

– Членството на Македонија во НАТО е важно не само за земјава, туку и ќе придонесе за стабилноста во регионот, овој регион имаше некои турубуленции и секогаш кога евроинтеграцискиот процес, односно проширувањето на ЕУ и НАТО земаше замав, во тој регион ситуацијата беше постабилна, оцени словенечкиот амбасадор.

Во врска со ратификацијата на Словенија на Протоколот за прием во НАТО, Јазбец рече дека тоа најверојатно ќе се случи на вонредна седница на словенечкиот Парламент во вторник претпладне, во рамки на која ќе се обрати и македонскиот претседател на Собранието Талат Џафери, кој ќе престојува во посета на Словенија.

– Ние се подготвивме обраќањето на претседателот на Собранието Џафери да биде во вторник претпладне, и тоа да биде во рамки на вонредна седница на словенечкиот Парламент, на која Словенија ќе го ратификува пристапниот протокол во НАТО на Македонија, под претпоставка ратификацијата прво да се случи во грчкиот Парламент. Мислам дека можеме да бидеме оптимисти, се што досега беше планирано во последните две години за влез на Македониј во НАТО, се оствари, иако во даден момент тоа делуваше како премногу оптимистички, рече Јазбец.

Истакна дека со овој чекор Македонија даде огромен придонесе кон позитивниот развој и перспективите и иднината на регионот.

– Ова се случува неполни две години кога Црна Гора стана членка, така што како што вели мојот пријател Јелко Кацин, сега и на Балканот имаме германско-француски двоец, а тоа е Црна Гора и Македонија, тоа се две држави кои со својата одговорност ќе придонесат максимално регионот да биде постабилен и да има јасна европска перспектива, подвлече Јазбец.

Словенечкиот амбасадор заклучи дека пристапувањето во НАТО е и натамошна стимулација за почеток на преговори во Европската унија, што ќе се финализираат во полноправно членство.

МИА/Фото: Влада

ПОВРЗАНИ ВЕСТИ

„Влеговме во НАТО, сега уште во 21 век да влеземе и ок сме„: Твитер се „загреа“

Веста за Протоколот меѓу Македонија и НАТО одекна во светските медиуми

Иванов го поздрави потпишувањето на пристапниот Протокол за членство на Македонија во НАТО

Груевски на Фејсбук: „Прво влез во НАТО и ЕУ, а потоа корекција на штетата„

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Пендаровски го предлага Спасов на местото на Иванка Додовска во Националниот совет за евроинтеграции

Редакција

МВР со детали за свадбените пукотници во кои беа повредени синот на пратеникот Џеват Адеми и уште едно лице

Никола Осило

(ВИДЕО) Митко Јанчев, потпреседател на ВМРО-ДПМНЕ: Договорот со Грција не е добар, но тешко во иднина да постигнеме подобар

Редакција