Циркулацијата на делта варијантата на коронавирусот во области со ниска вакцинација го поттикнува ширењето на Ковид-19 низ целиот свет, соопштија претставници на Светската здравствена организација (СЗО).
– Во многу места во светот каде што има се повеќе заразени со делта варијантата на коронавирусот, дури и во земји кои имаат високо ниво на вакцинација на национално ниво, делта сојот навистина циркулира и се шири во области со мала покриеност со вакцини, и постои многу ограничена и неконзистентна имплементација на јавните здравствени и социјални мерки, изјави епидемиологот на СЗО, Марија Ван Керхове на онлајн прес -конференција.
Според главниот научник на СЗО, Сума Сваминатан, „вакцините без сомнение спречуваат зголемување на бројот на тешки и смртни случаи како последица на делта варијантата на коронавирусот“.
Таа рече дека податоците во моментов не упатуваат дека е неопходно довакцинирање против Ковид-19.
ПОВРЗАНИ ВЕСТИ
Според СЗО не е потребна трета доза вакцина
СЗО смета дека најранливите луѓе насекаде во светот треба прво целосно да се вакцинираат, а дури потоа во богатите земји треба да се започне со довакцинација на граѓаните.
ПОВРЗАНИ ВЕСТИ
Делта сојот станува подоминантен и во Македонија
Доктор Кунгуловски објаснува за делта сојот и вакцините и прогнозира кога ќе имаме нов пик
Доктор Даниловски објаснува кои се симптомите на делта сојот
МИА