Последните тестирања за откривање на новоинфицирани со корона вирусот во гостиварскиот регион, откриени се три нови случаи. Новооткриените се во семејство од селото Чегране каде завчера беа потврдени позитивни резултати на Ковид-19.
Според информациите на меѓуопштинскиот кризен штаб за општините Гостивар, Врапчиште, Маврово и Ростуше, денеска едно лице е прогласено за излекувано и вкупната бројка на активни случаи до денеска е 11 (седум во Гостивар и четири во Врапчиште).
Петмина се лекуваат во болнички услови, а шест се дома и без симптоми. Епидемилозите издале решенија и препорачале самоизолација на дваесетина лица. Тоа се главно лица кои имале контакти со брачниот пар од селото Чегране.
Во меѓувреме се прават анкети и тестирања, а спроведена е и дезифекција на објектот на ЈП Комуналец, според епидемиолошките протоколи.
Од почетокот на пандемијата, во гостиварско направени се 398 тестирања, а кај триесет случаи имаше позитивни резултати.
Од последици на Ковид-19 во гостиварско починаа три лица.
МИА/Фото: Општина Гостивар
ПОВРЗАНИ ВЕСТИ
Починаа уште четворица пациенти од корона вирусот, вкупната бројка изнесува 145
Во Прилеп еден новозаболен од Ковид-19, a едно лице почина на 84 години
Официјално: Нови 101 заболени од корона вирусот, од кои најголем број 59 во Скопје