ТТК Банка денеска преку Македонската берза соопшти дека престанокот на производство на тешка конфекција во „Тетекс“, компанија која е најголем акционер во ТТК Банка нема да има влијание врз работата на банката и нејзините резултати.
„„Тетекс“ АД Тетово важи за компанија која работи со позитивни финансиски резултати години наназад и така и ќе продолжи и во иднина. Престанокот на производство со тешка конфекција е во насока на рационализација и одржување на позитивното работење на компанијата.
Банката претставува посебен самостоен субјект, акционерско друштво, кое во целост ги почитува сите законски и супервизорски стандарди во нејзиното работење и повеќе години наназад во низа остварува успешни позитивни финансиски резултати кои резултираат со поделба на дивидена по акција која е меѓу најприносните на Македонската берза за хартии од вредност“, соопшти банката.
ПОВРЗАНИ ВЕСТИ
Нема зима за акционерите на „Тетекс“
Тито Беличанец продаде 4.000 акции од „Тетекс“ за 146.000 евра
Кои се членовите на Одборот на директори на „Тетекс“?
По 69 години, текстилниот комбинат „Тетекс“ го прекина производството во фабриката „Конфекција“