Полициски службеници денеска интервенираа во Вевчани за да спречат групирање на повеќе лица кои биле дел од поворката на Вевчанскиот карневал.
Портпаролот на СВР Охрид Стефан Димоски информира дека интервенцијата на полицијата била поради непочитувањето на мерките и прописите за спречување на ширење на коронавирусот, односно забраната за групирање на повеќе од четири лица со што се загрозува здравјето на граѓаните во услови на глобална пандемија.
ПОВРЗАНИ ВЕСТИ
(ВИДЕО) „Бугарски фашистички окупатор“, марихуана и корона на Вевчанскиот карневал
„И покрај претходно постигнатиот договор на три одржани состаноци со лицата инволвирани околу одржувањето на оваа манифестација, да се почитуваат мерките и да нема групирање, денеска поголема група граѓани се собра во Вевчани, без почитување на мерките односно со недозволено групирање поради што мораше да интервенира полицијата“, изјави Димоски.
По документирање на случајот, додаде, ќе бидат поднесени и соодветни пријави против прекршителите.
„Апелираме до сите граѓани заеднички да придонесеме за спречување на коронавирусот, односно за зачувување на здравјето како на жителите на Вевчани, така и на сите граѓани“, истакна Димоски.
Специјалци против голорук народ во Вевчани. 👏👏👏
Кога луѓето се плашат од владата, тоа е диктатура. Кога владата се плаши од народот, станува збор за слобода. – Томас Џеферсон – третио претседател и уставотворецот на САД. pic.twitter.com/l9NsjfGUtO
— Reagan (@us_reagan) January 13, 2021
Вевчани денеска живее во духот на вековната традиција, познатиот Вевчански карневал, но поради пандемијата со Ковид-19, двете василичарски друштва Горна и Долна маала се откажаа од организацијата на карневалот.
Вевчанци, иако во мал број, сепак не се откажаа од традицијата и маскирани, во помали групи излегоа низ улиците преку маски, на сатиричен начин да покажат дел од настаните што ја одбележаа изминатата година.
МИА/Фото/Видео:Твитер/Batman/Reagan/А1он