Српскиот претседател Александадр Вучиќ на Инстаграм објави видео на кое се гледа како на неформална вечера, синоќа, во Белград, во рамки на вториот Саем за вино, храна и туризам „Винска визија на отворениот Балкан“ е видно расположен, а друштво му прават македонскиот премиер Димитар Ковачевски и претседателот на Црна Гора, Јаков Милатвовиќ.
View this post on Instagram
Тие ја пеат песната од Харис Џиновиќ, „Дајте вина, хочу лом“, а Ковачевски текстот го чита од неговиот мобилен телефон, ама вели дека ја знаел песната.
Вкупно 74 винарии и производители на храна од Македонија се дел од 600. излагачи на вино и храна од 30 земји на Саемот, кој почна вчера во Белград, а ќе трае до недела, 19. ноември.
Од Србија на Саемот има 260 изложувачи, а од Албанија 21.
На Саемот се преставуваат винарии, дестилерии и гастрономски компании.
Излагачите презентираат вина во 6 хали, со 2 дополнителни хали за гастрономија, на повеќе од 44.000 квадратни метри изложбен простор.
Саемот се одржува под покровителство на владите на Србија, Македонија и Албанија.
Фото: Влада/видео: Инстаграм/Вучиќ