На границата меѓу Русија и Грузија се создаваат долги редици сообраќај низ планинскиот премин, објави „Си-ен-ен” додавајќи дека луѓе чекаат и до 48 часа за да влезат во Грузија.
Редици се насобраа на Верхни Ларс од Северна Осетија кон Грузија и на други гранични премини, откако рускиот претседател Владимир Путин минатата недела воведе делумна мобилизација.
На видеа може да се види како семејства и само машки лица чекаат да го поминат граничниот премин. Луѓе се доближуваат до преминот и пеш, влечејќи куфери.
– Среде ненадејниот прилив ја притискавме владата да воведе визи или да ги затвори границите, изјави за „Си-ен-ен” опозициската политичарка во Грузија, Нона Мамулашвили.
Засега, според „Си-ен-ен”, границата сè уште е отворена.
#Russians were allowed to cross the #Georgian border on foot. pic.twitter.com/4DQYGeW6nc
— NEXTA (@nexta_tv) September 26, 2022
МИА/Видео/фото: NEXTA TV