еМагазин
Image default
Ретро

(Видео) Се одбележуваат три децении: Како изгледаше падот на Берлинскиот ѕид

Денес изминуваат 30 години од падот на Берлинскиот ѕид, кој беше изграден во 1961. година од комунистичкиот режим на Источна Германија за да се оддели Западен Берлин, кој беше под контрола на западните сојузници од источниот дел на градот и од остатокот од Источна Германија, која беше под силно влијание на СССР.

Sидот стана највпечатлив симбол на Студената војна и на Железната завеса.

Поради ненадејната изградба на ѕидот тогаш многу семејства останаа поделени. Sидот беше целосно урнат кон крајот на 1989, освен еден дел кој и денес стои како спомен на тоа време.

Во текот на 28-годишната поделба официјално 136 луѓе биле убиени од граничните единици на Источна Германија обидувајќи се да пребегнат во Западен Берлин. Некои тврдат дека таа бројка изнесува многу повеќе.

Кога на 9 ноември 1989, по неколку неделни граѓански немири, власта во Источна Германија објавила дека сите нејзини граѓани можат да ја посетат Западна Германија и Западен Берлин, источногерманците се искачуваа и го преминувале ѕидот, прославувајќи ја слободата на другата страна.

Во текот на следните неколку недели, делови од ѕидот биле искорнати од одушевениот народ и од ловци на сувенири, а по неколку недели ѕидот речиси целосно бил отстранет со градежна механизација.

Падот на Берлинскиот ѕид бил првиот чекор во обединувањето на Германија кое се завршило на 3 октомври 1990. година.

Фото/Видео: Time/Youtube/NocommentTV

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Знате ли што пишува во Охридскиот договор?

Редакција

(Видео) Како се славеше 1 Мај во 1960 година во Скопје: Работниците денес на дното

Редакција

Скопјани редовни посетители на стриптиз во ноќниот клуб „Огниште“ и ресторанот „Кале“ во 70-тите

Редакција