Вкупно 114 заболени од корона вирусот: Регистрирано нови 29 од нив 22 во Скопје

Министерството за здравство информира дека во изминатото дено-ноќие се регистрирани 29 нови случаи на коронавирус во земјата.

Со ова бројката на дијагностицирани пациенти со Ковид-19 денеска до 12.00 часот, изнесува 114. По градови: Скопје (22), Штип (3), Дебар (2), Куманово (1) и Охрид (1).

Според местото на живеење, досега случаи на Ковид-19 се регистрирани во: Скопје (65), Дебар (36), Штип (7), Кавадарци (2), Охрид (2), Гостивар (1), Куманово (1).

„На Клиниката за инфективни болести и фебрилни состојби во моментов се хоспитализирани 24 пациенти. 7 пациенти се континуирано на третман со кислород, 11 се веќе во стабилна – добра здравствена состојба.

Утре, по истекот на 14 дена од поставување дијагноза, кај 6 пациенти ќе се зема контролен брис. Од нив 5 се во добра состојба, а кај пациентката кај која имаше влошување нема промена на состојбата и таа се уште е на респираторна машина.

Пациенти кои се на домашно лекување се во постојан контакт со лекарите,“ информираат од Министерство за здравство.

ПОВРЗАНИ ВЕСТИ

Состојбата со корона вирусот од аспект на психолог: После фазата на гнев, ќе следи депресија па апатија

(Видео) Босански лекар од Италија: Војна преживеав вакво нешто немам видено, корона вирусот го „јаде“ ткивото на белите дробови

Македонка од центарот на епидемијата на корона вирусот во Италија: Младо активно лице ја зарази цела Ломбардија, седете дома!!!

(ВИДЕО) Како правилно да ги употребувате и симнете маските и ракавиците