Денес повторно видовме дека власта нема осет и нема жал за 14-те луѓе живи изгорени во ковид болницата и 7.000 починати од Ковид, изјави денеска на прес-конференција членот на Извршниот Комитет на ВМРО-ДПМНЕ, Владимир Ѓорчев.
„Наместо пристојност и етика, СДСМ и ДУИ решија да ја спасуваат коалицијата.Четиринаесет луѓе живи изгореа во пластичниот киоск на Зоран Заев и Венко Филипче.
Четиринаесет семејства се во црнина поради нивната неодговорност, поради нивниот срам и брука, поради тоа ужасно, смртоносно профитерство.
Почитувана македонска јавност, тие одбраа да паднат заедно. И да Зоран Заев и Венко Филипче заедно ќе си паднат. Народот е револтиран, овој срам и брука во Македонија ќе заврши. А оние кои што се виновни ќе одговараат,“ изјави Ѓорчев.
ПОВРЗАНИ ВЕСТИ
Заев не ги прифати понудените оставки од Филипче и Хасани
Фото: Ѓорчев/Фејсбук