еМагазин
Image default
Македонија ТОП СТОРИИ

Во Штип запалени возилата на братот и таткото на поранешната пратеничка од СДСМ Маринела Тушева

Во штипската населба Сењак, на улицата „Борис Крајгер“ рано утринава опожарени се пет возила, од кои три целосно, а две делумно.

Меѓу трите целосно изгорени возила се и автомобилите на Никола Тушев, поранешен претседател на ОО на СДСМ Штип и на неговиот татко Мите Тушев, инаку брат и татко на поранешната пратеничка од СДСМ Маринела Тушева.

Никола Тушев за МИА вели дека во тек е увидот на местото на настанот, а во моментов е пристигната и екипа на крим техника од Скопје.

Тој вели дека настанот се случил по 5 часот рано утринава. Неговото возило и возилото на неговиот татко биле паркирани на сосема две различни места на паркинг просторот, палењето е извршено со молотови коктели.

Полицијата засега не открива детали, како се случил инцидентот. Најавија дека по завршување на истрагата ќе дадат подетални информации.

Во текот на изминатата година во штипската населба Сењак ова не е прв случај на палење автомобили.

МИА

ПОВРЗАНИ ВЕСТИ

(Видео) Маринела Тушева објави видео од палењето на автомобилите на нејзиниот брат и татко

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Како работеле пратениците изминатите шест месеци

Редакција

Сите сме донори на органи доколку не се изјасниме спротивно на нотар, но семејството го има последниот збор

Редакција

Тасев: Подготвуваме куќа за родителите на децата кои се лекуваат од рак, да имаат каде да спијат

Силвана Жежова