еМагазин
Image default
Свет ТОП СТОРИИ

Воените трошоци во светот рушат рекорди, лидери САД, Кина и Саудиска Арабија

Глобалните воени расходи минатата година достигнаа највисоко ниво во изминатите три децении, со најголемо учество во САД и Кина, според годишниот извештај на шведскиот истражувачки институт СИПРИ.

Меѓународниот институт за истражување на мирот во Стокхолм објави дека воените трошоци во светот во 2018 година изнесуваат 1,8 билиони долари, 2,7 проценти повеќе од 2017 или 239 долари по човек.

САД остануваат земја со најголеми воени трошоци во светот со 649 милијарди долари, што е за четири отсто повеќе од претходната година. Нивниот удел изнесува 36 проценти од глобалните расходи за 20818 година. САД потрошиле речиси колку и следните осум земји во рангирањето.

На второ место е Кина со 250 милијарди долари или 14 проценти од светските расходи. Ова е зголемување од пет отсто во споредба со 2017 година – најниско годишно зголемување од 1995 година.

Саудиска Арабија останува трета со 67,6 милијарди долари, и покрај намалувањето на трошоците за повеќе од шест отсто во споредба со 2017 година. Следат Индија и Франција.

Првите пет земји учествуваат 60 проценти од глобалните воени расходи. Русија е на шесто место, со воени расходи од 61,4 милијарди долари. Таа не е во првите пет за прв пат од 2006 година.

Општ тренд според СИПРИ е дека воените трошоци како дел од БДП се намалија во сите региони од 1999 година.

Шест од 10-те земји каде што воените трошења го сочинуваат најголемиот дел од БДП, се на Блискиот Исток.

Во Европа, просекот изнесува 1,6 отсто од БДП, нешто помалку од Африка и Азиско-пацифичкиот регион.Јужна и Северна Америка имаат најнизок дел – 1,4 проценти.

МИА/Фото: nationofchange.org

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Галерија) Жени во костими за капење на плоштадот Македонија со гордост ги покажаа своите тела

Редакција

Казни до 5.000 евра: Кога и како се изведува македонската државна химна?

Никола Осило

Заев почна да го користи името Република Северна Македонија

Редакција