Грција е во шок, откако се објавени снимки од инцидент кој синоќа се случи на брод на компанијата Blue Horizon на атинското пристаниште Пиреја, јавува дописникот на еМагазин од Солун.
ПОВРЗАНИ ВЕСТИ
Βίντεο σοκ: Το πλήρωμα έσπρωξε από το Blue Horizon στον θάνατο τον 36χρονο που σκοτώθηκε στο λιμάνι Πειραιά pic.twitter.com/FdzFTliZLg
— kakajason (@kakajason50) September 5, 2023
Како што може да се види на видеата кои ги објави Прототема, патник кој задоцнил, се обидува да се качи на брод кој треба да тргне за Крит, но е спречен од двајца вработени на бродот, кои го турнуваат.
Тој се обидува да остане на бродот, но повторно е турнат и завршува во море, каде се удави, а сето тоа го гледат патниците, кои врескаат. Бродот отпловува, како ништо да не се случило, а на патниците им велат дека се случил инцидент, не по вина на екипажот.
Не се знае дали удавениот маж ја удрил главата или друг дел од телото паѓајќи во морето.
Како што објави Протетма станува збор за 36-годишен маж, а засега е нејасно дали имал карта, која исто така може да се купи и на бродот.
На бродот по неколку часа му е наредено да се врати во Пиреја, а се уапсени капетанот и четворица членови на екипажот.
Видео: Прототема