Политичките актуелности во земјава, со посебен акцент на околностите во кои се води јавната расправа за предложените уставни измени и напорите на Владата да обезбеди континуитет на започнатите пристапните преговори за членство во Европската Унија без застој, беа во фокусот на средбите што денска ги имал шефот на дипломатијата Бујар Османи со евроамбасадорот Дејвид Гир, холандскиот амбасадор Дирк Јан Коп и заменик-шефот на мисијата во Амбасадата на САД во Скопје, Ерик Мејер, информираат од Министерството за надворешни работи.
На средбите, како што соопшти МНР, биле отворени и темите од регионален карактер, особено во контекст на европската интеграција на целиот регион на Западен Балкан.
-Актуелните безбедносни и геополитички предизвици, потребата од долгорочен и ефикасен реформски процес кај сите земји од регионот, сѐ уште актуелните потреби за помирување и затворање на отворените билатерални прашања ги обременуваат односите во регионот и европската перспектива мора да ја задржи трансформативната моќ на Балканот, посочил Османи.
Фото: МНР