Преставници на Македонија на Светскиот економски форум во Давос, кој почнува денеска, како што потврдија од Владата за еМагазин се премиерот Зоран Заев, вицепремиерот за економски прашања, Кочо Анѓушев и министерот за економија, Крешник Бектеши.
Во рамки на самитот Заев ќе има средба со генералниот секретар на НАТО, Јенс Столтенберг и со еврокомесарот за проширување, Јоханес Хан, како и други високи учесници на Самитот.
Заев во друштво на министерот за надворешни работи, Никола Димитров и поранешниот министер за култура, Роберт Алаѓозовски и лани беше во Давос.
Минатата година токму во Давос, Заев ја имаше првата средба со грчкиот премиер Алексис Ципрас. Токму на таа средба беа поставени контурите на Договорот од Преспа, чија ратификација е пред финале.
Македонија претходно повеќе од деценија немаше свои преставници во Давос.
Во 2003 година Македонија со делегација во Давос ја преставуваше и поранешниот претседател Борис Трајковски, а пред него и поранешниот претседател Киро Глигоров.
Фото: Ројтерс
ПОВРЗАНИ ВЕСТИ
Трамп, Макрон и Путин не доаѓаат на самитот во Давос
Заев, Анѓушев, Крешник ќе одат на самитот во Давос