Заразените од корона вирусот и лицата во самоизолација ќе гласаат од дома на 13 јули

Владата на вчерашната седница донесе Уредба за изборниот процес во кој се предвидува гласањето на изборите да биде на 15 јули од 7 до 21 часот.

Во Уредбата се предвидува на 13 јули 2020 година да гласаат лицата кои се во домашен карантин заради позитивен тест на корона вирусот и лицата на кои им е одредена мерка самоизолација со решение од Државен санитарен и здравствен инспекторат. Тие ќе гласаат од дома.

Во општините во кои гласаат лицата од став 3 од овој член, во зависност од нивниот број, Државната изборна комисија формира еден или повеќе посебни избирачки одбори составени од тројца здравствени работници кои го спроведуваат гласањето на лицата од ставот 3 од овој член, при што политичките партии имаат право да именуваат член во посебниот избирачки одбор согласно член 38 ставовите 5 и 6 од Изборниот законик.

На 14 јули 2020 година гласаат немоќни и болни лица согласно член 111 од Изборниот законик, како и хронично болните лица и останатите лица кои согласно Изборниот законик гласаат еден ден пред одржувањето на изборите.

ПОВРЗАНИ ВЕСТИ

Нова уредба на Владата: Изборната кампања почнува на 24 јуни, на 15 јули ќе се гласа од 7 до 21 часот

Пендаровски донесе нова одлука за вонредна состојба од 8 дена

Мицкоски потврди дека ВМРО-ДПМНЕ ќе учествува на изборите на 15 јули