Според последните информации од Оператвниот штаб на Дебар, лицата кои беа затекнати во Дебар, на денот на прогласувањето на кризната состојба, поради коронавирусот, а денеска требаше да го напуштат градот вратени се назад од контролниот пункт кај Бошков Мост.
Лицата се вратени назад попладнево поради тоа што имале само потврда од епидемиолог дека се здрави, а не биле тестирани за коронавирусот.
На пунктот е побарано да се почитува мерката на Владата што подразбира по поминатите 14 дена во карантин неопходно да им се земе брис, односно да им се направи тестирање.
– Споменатите лица повторно се сместени во хотелските капацитети на „Дебарски Бањи-Цапа“ каде беа изминатите две недели. Планираме да бидат тестирани во текот на утрешниот ден, рече градоначалникот на Дебар, Хекуран Дука, кој раководи со Оперативниот штаб.
Станува збор за 114 лица од неколку градови на земјава, пред се од подрачјето на Река, Општина Маврово и Ростуше, како и од Косово, Србија, Бугарија и Шведска.
МИА/Фото: Општина Дебар
ПОВРЗАНИ ВЕСТИ
Заболениот пациент со коронавирусот од Тетово e неподвижен, како се заразил?
Од следната недела ќе има пошироко мобилно тестирање на граѓани како превенција од корона вирусот