Обвинетите во случајот „Трезор” кривичните дела ги сториле од лукративен карактер, изјави во завршните зборови на овој процес обвинителот Артан Ајро, кој побара од Судот да го примени институтот конфискација на имот и имотна корист.
– Како имотна корист прибавена со кривично дело за правното лице ДТУ „Финзи” ДООЕЛ од Скопје, избришано од Централен регистар на 18.02.2011, а кој конфискација да се изврши на парични средства од денарска сметка во Охридска банка во вредносг од 838.106 денари и девизна банкарска сметка 145.619 евра, како и конфискација на ПМВ Ауди А4 со проценета вредност од 1.026.285 денари, побара обвинителот Артан Ајро.
Покрај ова побарување, обвинителот од Судот побара обвинетиот Сашо Мијалков да го задолжи да надомести износ од 11 милиони денари, Горан Грујоски, 11 милиони денари, Нејбојша Станковиќ. 6 милиони денари и обвинетито Тони Јакимовски, 7 милиони денари.
– Предлагам Судот обвинетите да ги прогласи за виновни и осуди согласно законот за кривичните дела кој им се стават на товар, а при одмерување на видот и висината на казната да ги има во предвид сите законски предвидени олеснувачки и отежувачки околности, како и да ги заложи обвинетите да ги надоместата трошоците на постапката, изјави Ајро.
Тој во својот завршен збор за случајот „Трезор” посочи дека кривичното дело „злоупотреба на службената положба и овластување”, како поим службената должност создава однос на посредение спрема државата, односно службата како дел од државните функции со цел остварување на начелото владење на правото се јавува потреба од ограничување на носителите на функциите на власта, а како објект на заштита се јавува законитоста на совесно и правилно исполнување на службените јавни и други овластувања.
Државниот правобранител Линда Зибери, на крајот рече дека останува на оштетеното побарување од 48.480.942 денари, за кој е оштетен Буџетот на државата со злоупотреба на службената должност.
Во „Трезор“ првообвинет е поранешниот директор на Управата за безбедност и контраразузнавање (УБК) Сашо Мијалков, како и поранешниот шеф на неговиот кабинет Тони Јакимовски, поранешниот помошник-министер во МВР, Небојша Стајковиќ, и поранешениот началник на Петтата управа во МВР, Горан Грујевски.
Тројца се товарат за злоупотреба на службената положба и овластувања, Тони Јакимовски за помагање.
Случајот го води судијката Џенета Бегтовиќ, а застапник на обвинението е Основното јавно обвинителство за гонење организиран криминал и корупција, кое го презема предметот од поранешното Специјално јавно обвинителство (СЈО).
Следното рочиште за завршните зборови на одбраната е закажено за 5 април.
ПОВРЗАНИ ВЕСТИ
МИА/Фото: МИА