Јавното обвинителство за гонење на организиран криминал и корупција (ОЈО ГОКК) нема да ги гони поранешните функционери Трајко Вељаноски, Спиро Ристовски и Миле Јанакиески за упадот во македонското Собрание од 27. април 2017 година, за случајот познат како „организаторите на 27 април“.
Обвинителството смета дека тие треба да бидат опфатени со Законот за амнестија од 2018 година и за нив судењето треба да запре.
„Обвинетите бараат примена на овој закон, кое нешто како уставно право секако им припаѓа, да се повикаат на примена на институтот кој е отелотворен во донесениот закон за амнестија.
Оттука барањето на одбраната за примена на законот, за нивен еднаков третман пред законот, како и останатите осомничени и обвинети кои добија амнестија врз основа на истиот закон е нешто кое не може да се спори“, стои во мислењето на ОЈО ГОК.
Мислењето на Обвинителството следи откако Апелацискиот суд Скопје во април ја укина пресудата на Кривичниот суд Скопје и предметот го врати на повторно судење со инструкции во предвид да се земе Законот за амнестија од 2018 година.
Ваков предлог нема само за обвинетиот Владимир Атанасовски, поранешен директор на Управата за безбедност и контраразузнавање (УБК).
Обвинетиот Никола Груевски, поранешен премиер и лидер на ВМРО-ДПМНЕ, Никола Груевски, пак, се уште е бегство.
Фото: Унсплеш