Бугарскиот претседател Румен Радев вчера во Софија, Бугарија, имал средба со претседателот на избришаниот од Централен регистар бугарски клуб „Иван Михаилов“ во Битола, Љупчо Георгиевски, на кого периодов му се суди за ширење раздор, нетрпеливости и омраза кон македонскиот народ и придобивките од НОБ и зa ширење ксенофобија преку компјутерски систем.
Од Кабинетот на Радев за средбата информираа дека очекуваат Македонија во најбрз можен рок да ги вклучи Бугарите во Уставот и да се продолжи со имплементација на билатералниот Договор за пријателство, добрососедство и соработка, кој е составен дел од преговарачката рамка.
Георгиевски пак изразил надеж бугарската заедница во Македонија што поскоро да биде вклучена во Уставот, со што ќе се создале уставни гаранции за заштита на нивните права и ќе се отворел патот на државава за почеток на преговори за членството во Европската Унија.
ПОВРЗАНИ ВЕСТИ
Бугарскиот клуб „Ванчо Михајлов“ избришан од Централниот регистар, ама пак работи
Периодов членовите на „Иван Михаилов“ регистрираа нов бугарски клуб под името „Една роза“ и ги задржаа истите простории.
ПОВРЗАНИ ВЕСТИ
Фото: Влада/Фејсбук/Георгиевски