Претседателот Стево Пендаровски изјави дека кога се случи инцидентот во објектот на Контрола на летање, покрај од амбасадите, добил реакции и од високи претставници на НАТО, чии прашања биле во насока на тоа, дали е безбедно македонското небо и за авионите на НАТО.
„Се работи за дел од критичната инфраструктура. На неа се гледа со посебно внимание. Постои посебен закон за таа критична инфраструктура. Ние сме членка на НАТО и не смееше да се дозволи таков скандал.
Во просториите на тој дел од критичната инфраструктура, да се пресметуваат физички луѓето како да е кафеана. Мислам дека таа институција е зрела за генерален ремонт,” изјави Пендаровски во интервју за „Тема на денот” на Телевизија Сител.
ПОВРЗАНИ ВЕСТИ
Кој е Хекуран Асани, предлог на Владата за нов директор на М-НАВ
Кој е Милан Кораќ, предлог на Владата за нов секторски директор во М-НАВ
Фото: Влада