Арбен Таравари од поделената Алијанса за Албанците (АА), чии печати неодамна судски ги доби Зијадин Села, во интервју за 360 степени, кажа дека неговото крило имало канали на комуникација со опозициската ДУИ.
ПОВРЗАНИ ВЕСТИ
Зијадин Села е претседател на Алијанса на Албанците, печатите одат кај него, одлучи Судот во Тетово
Кажа и дека другите партии од владејачката „Вреди“, од која дел е неговото крило (другото на Села е дел од коалицијата Европски фронт, предводена од ДУИ), најверојатно имаат комуникација со ДУИ.
Во интервјуто потврди и дека имало сигнали до неговото крило од ДУИ за заеднички настап на престојните локални избори.
Од Демократско движење на Изет Меџити, Беса на Биљал Касами и Алтернатива на Африм Гаши експресно се оградија од Таравари и тврдат дека тие немаат никаква комуникација со ДУИ.
И од трите партии потенцираат дека немаат и нема да имаат комуникација и соработка со „корумпирана партија“, чии функционери се ставени на т.н. црна листа на САД.
Фото: Таравари/Фејсбук