30,3% од заразените со Ковид-19 во Македонија без симптоми, 66,2% имале контакт со потврден случај

Податоците на Институтот за јавно здравје (ИЈЗ) покажуваат дека 30,3% од заразените со Ковид-19 во Македонија се без симптоми.

“Од случаите кои се епидемиолошки истражени (n=5.956; 95,9%), кај 1.805 или 30,3% од дијагностицираните лица не се регистрирани симптоми на заболувањето.

Од нив, 1.195 или 66,2% имале контакт со веќе потврден случај во државата.

Во однос на симптомите кои се пријавени кај заболените лица, најчесто се регистрирани температура (63,1%), кашлица (43,1%), малаксаност (42,4%), треска (16,0%), главоболка (13,4%), болка во грло (13,3%) и отежнато дишење (12,6%)„, стои во анализата на ИЈЗ, заклучно со податоци до 28. јуни, која еМагазин редовно ја пренесува.

ПОВРЗАНИ ВЕСТИ

Вкупно од Ковид-19 се заразиле 61 бремени жени, 29 биле без симптоми

78,8% од оздравените од корона вирусот во Македонија се лекувале дома

80,3% од починатите од Ковид-19 во Македонија се со претходни заболувања, 5% починале надвор од болница

Фото: Факултет за ветеринарна медицина