Конечно, по 12 години откако Тоше Проески трагично загина во сообраќајна несреќа кај Нова Градишка, Хрватска, се гради спомен-обележјето на неговото вечно почивалиште на Гумење во Крушево.
Од Владата се обезбедени 10 милиони денари, обележјето е симболично и треба да биде готово до јуни, изјави претседателот на крушевскиот Совет, Тома Петроски на вчерашното обележување на роденденот на Тоше, пренесува МИА.
“Обележјето е симболично. Во основата е во форма на крст како симбол на Тошевата религиозна припадност и вербата во Бога, всушност ова е и гробно место. Инаку, однадвор впечатокот за обележјето е како две раце склопени во молитва. Според приликите, треба да биде готово до јуни, а може и порано“, вели Петроски.
Автор на идејното решение е архитектот Жарко Чаушевски.
ПОВРЗАНИ ВЕСТИ
(ВИДЕО) Среќен роденден, Тоше!
(Видео) На денешен ден пред 12 години, Тоше Проески го одржа последниот концерт на Градски стадион
МИА/еМагазин/Фото: МИА/Томе Христоски/Фејсбук/360stepeni.mk