Граѓани на социјалните мрежи објавуваат фотографии од преполни автобуси на ЈСП-Скопје со луѓе, од кои дел се со заштитени со маски, но дел не.
Не секој носи и ракаваци, како што пред неколку дена посочија од Град Скопје.
ЈСП веќе објави дека автобусите подлежат на редовна дезинфекција, како и дека ќе го редуцира возниот ред.
„Ве информираме дека јавниот превоз, автобусите на ЈСП Скопје и приватните превозници, продолжуваат да сообраќаат по саботен возен ред. Исклучок, се линиите 9, 19, 20 и 23 кои ќе возат по редуциран делничен возен ред.
Одлуката е согласно препораките и мерките на Влада на РСМ во превенција од ширење на коронавирусот. Овој возен ред ќе важи во наредниот период, се до новите препораки“, соопшти ЈСП во саботата.
Разбирливо е дека голем број од граѓаните мораат да одат на работа, но прашање е колку редуцираниот возен ред помага во намалување на контактите меѓу луѓето ако се земат предвид турканиците во дел од автобусите.
ПОВРЗАНИ ВЕСТИ
Втор починат пациент од корона вирусот: Почина маж од Дебар на 63 годишна возраст
Детална листа: Како изгледа бројот на заразени со коронавирусот во Македонија по градови
Вкупно 70 заразени од корона вирусот: Жената од Дебар е во критична состојба
Фото:Фејсбук/Бобан Апостолски/Против загадување на воздухот