Исламската верска заедница (ИВЗ) одлучи од 12. мај да ги отвори џамиите за молитва, информираа од таму.
Верниците од вторник можат да одат на колективни молитви во џамиите, а од ИВЗ велат дека одлуката ја донеле поради тоа што во Македонија се намалил бројот на заразени од коронавирусот.
„Вреди да се напомене дека во текот на суспензијата на колективните молитви во џамиите, ИВЗ строго ги спроведе препораките на релевантните институции за заштита на здравјето на населението, свесна за последиците.
ИВЗ е единствената верска институција во земјава која јавно побара од исламските верници да се придржуваат кон препораките за одржување на здравјето, иако ниту еден од надлежните органи не даде позитивна оценка за нас, туку напротив, некои кругови блиски до Владата постојано ја напаѓаа ИВЗ и лидерот на ИВЗ“, велат од таму.
ПОВРЗАНИ ВЕСТИ
Литијата пример за двојни аршини: Со кој памет драги стружани?
„Построг полициски час само за Струга“: Твитер реакции за верскиот собир