Бугарија е една од ретките земји во светот каде не постои говор на омраза. Можеби и единствена. Прашајте го тамошното ромско, турско или македонско малцинство, кое според оваа членка на Европската Унија (ЕУ) не постои, па и тие ќе Ви потврдат.
Тоа што неодамна Брисел ги повикува бугарските власти и на спроведување на релевантните пресуди на Европскиот суд за човекови права, при што се наведени, меѓу другото, и пресудите што се однесуваат на неможноста на македонското непризнаено малцинство во Бугарија да регистрира свое здружение или политичка партија, се глупости, нема врска тоа со говор на омраза.
Тоа што и бугарска партија стои позади овој повик, исто нема врска. Исфрустрирана опозиција.
Ќе Ви кажат Македонците, Ромите и Турците: да, не се прават расистички и навредливи вицеви на наша сметка, кои потоа се печатат во весници, да, на Твитер и на Фејсбук се најубаво се пишува за нас, дури преубаво, абе дури криво да ти стане, да, ни дозволуваат и да си ги негуваме нашите јазици во училиштата и истите си ги учиме, да, и на телевизија на вести се најдобро за нас зборат, од толку убавини во оваа земја, членка на ЕУ, дури незгодно ни станува понекогаш… Стварно не ни е јасно зошто толку многу бугарски граѓани ја напуштија истата, ќе Ви кажат тие.
А, да, да не забороравиме, тоа што популарни ток-шоуа во Бугарија злобно шират навреди и понижувачки зборови упатени кон Македонците и другите малцинства, исто така врска нема. Тоа само се шегуваат, ќе ви кажат Македоците, Турците и Ромите.
Исто нема врска, што вицепремиерот и министер за одбрана, Красимир Каракачанов и неговата колешка од бугарската Влада, министерката за надворешни работи, Екатерина Захариева се некрунисани „крал“ и „кралица“ на говорот на омраза во ЕУ. Тие само реагираат така, бидејќи нивните соседи, Македонците, велат дека никогаш не биле Бугари, ниту пак планираат да станат.
Како може тоа, па незнаете дека и Исус бил Бугарин, да не ја начнуваме и темата за Атлантида, која била нормално бугарска. Срам да им е на Македонците.
Сега, убедени сте дека во Бугарија “нема говор на омраза“?
ПОВРЗАНИ ВЕСТИ
Договор за добрососедство со Бугарија или завршница на Балканските војни
„Во Бугарија нема корупција и криминал, а Захариева е најубава политичарка во ЕУ„