Двете најголеми градежни компании во Македонија, скопски „Бетон“ и „Гранит“ ја почувствуваа кризата предизвикана од Ковид-19 остварувајќи намалени добивки во периодот јануари-спетември годинава.
Од градежните компании што котираат на берзата „Фабрика Карпош“ оствари значително зголемување на добивката.
„Бетон“ АД Скопје во периодот јануари-септември годинава оствари добивка од 4.088.000 денари, што е намалување од -72,27 отсто во однос на истиот период минатата година кога добивката изнесувала 14.744.000 денари.
„Гранит“ АД Скопје заклучно со септември оствари добивка од 108.037.169 денари, што е намалување од -53,64 отсто во однос на истиот период, минатата година кога добивката изнесувала 233.064.000 денари.
Од друга страна, „Фабрика Карпош“ АД Скопје оствари добивка од 16.650.000 денари, што е зголемување од 666,57 отсто во однос на периодот јануари-септември, минатата година кога добивката на компанијата изнесувала 2.172.000 денари.
Фото: Бетон/Гранит/Фабрика Карпош