Истражувачкиот веб сајт bird.bg од Бугарија објави дека сопствениците на Првата инвестициска банка, во чија сопственост е и УНИ Банка во Македонија, Цеко Минев и Ивајло Мутафчиев имале офшор компании.
Според сајтот тие имале регистрирано офшор компании преку Тридент од Британските девствени острови. Фирмите поврзани со нив земале кредити од Првата инвестициска банка.
Истражувањето открива и дека покрај нивните фирми, кредити од банката земале и офшор компании кои се во сопственост на кипарски Грк, а се поврзани со истите бугарски банкари.
Од Првата инвестициска банка во реакција на сторијата велат дека станува збор за постари и веќе познати информации за проблематичното работење на банката пред петнаесетина и повеќе години, а не за нови откритија, посочувајќи дека банката постојано е под домашна и под европска супервизија, која не утврдила никакви неправилности.
Велат и дека европските регулативи не забрануваат офшор компании да имаат сопственички удели во банки во државите од Европската Унија.
ПОВРЗАНИ ВЕСТИ
Во „Пандора документите“ и сопственици на две фирми од Македонија
(Фото) И наводната љубовница на Путин во „Пандора документи“
Илустрации: Вашингтон пост/bird.bg