Доктор Беќаровски: „Се однесуваме како стадо, смртноста ни е голема, бидејќи луѓето не се вакцинираат“

Доктор Нико Беќаровски од Клиниката за токсикологија во гостувањето на „Утрински брифинг“, осврнувајќи се на актуелната состојба со Ковид-19, зборуваше за тоа, кои грешки ги направивме што придонесе бројот на заболени од вирусот постојано да се зголемува.

„Човек кој има пиљара кашла, се тестира позитивен и целата неговата фамилија е позитивна. Но, не може да ја затвори пиљарата, зошто му е извор на егзистенција. Оди на лекар и не кажува дека е болен. Тоа се луѓе кои системот не ги регистрира како ковид позитивни.

За некои работи навистина се однесуваме како стадо. Сабота недела гледаме шпанско, италијанско, англиско превенство, преполни стадиони, а таму смртноста е помала поради добро спроведена вакцинација.

Кај нас е поголема, а причината е многу едноставна, прво кога дојдоа вакцините сите прашувавме за нејзината ефикасност,“ вели д-р Беќаровски, кој додава дека бројките на новозаразени ќе растат, а кластерите од политичките митинзи ќе се видат за 15 дена.

ПОВРЗАНИ ВЕСТИ

Доктор Беќаровски: „Цунамито немилосрдно се доближува, вакцините се далеку од совршено оружје, но се уште се единственото оружје против Ковид-19“

Доктор Беќаровски: Шансите да станете импотентни по прележување на Ковид-19, Ви се шест пати поголеми!

Доктор Беќаровски: Индија е првата земја која ја има лиценцата за новиот лек за Ковид-19 и за разлика од цената на „Мерк“, ќе чини 25 долари

Фото: Фејсбук/Беќаровски