Европа АД Скопје за периодот од 01.01 до 30.09.2022 година оствари добивка во износ од 38.454.020 денари и истата е помала во однос на претходната година за 25,5%, информираат од компанијата преку Македонската берза.
Во овој период остварени се вкупни бруто приходи во износ од 617.367.021 денари и истите се зголемени за 2% во однос на бруто приходите од 2021 година за истиот период, велат од таму.
-Вкупните оперативни приходи од 01.01 до 30.09.2022 година се зголемени за 3,3% во однос на истите во 2021 година. Останатите приходи се намалени за 2,5%, а финансиските приходи се намалени за 43% во однос на 2021 година.
Вкупните расходите се зголемени за 4,9% во однос на минатата година. Оперативните расходи во периодот од 01.01 до 30.09.2022 година се зголемени за 4,9%. Зголемувањето на оперативните расходи се должи на неколкукратното зголемување на цените на енергенсите. Финансиските расходи се намалени за 9,4% во однос на минатата година, велат од компанијата.
ПОВРЗАНИ ВЕСТИ
Европа со намалена добивка во првите шест месеци од годината