Поради поплавите во регионот Тесалија, привремено е затворен дел од автопатот Солун –Атина пред Катерини, сообраќајот е во прекин во правец кон грчката метропола, а возилата се пренасочуваат кон автопатот Егнатија, јави дописничката на МИА од Атина.
Од грчката полиција информираа дека автопатот е затворен од синоќа по полноќ, а прекинот ќе биде сè додека не се нормализираат условите за сообраќај.
Сите возила кои се упатуваат кон Атина кај клучката Иматиа веднаш по патарината Малгара, на 20-ина километри по Солун, се пренасочуваат кон автопатот Игнатија.
Исклучок има за возилата чија крајна дестинација е регионот Пиерија, како и возилата за итни случаи, односно брзата помош, противпожарната служба, итн..
ПОВРЗАНИ ВЕСТИ
(Видео) Вознемирувачки сцени и од Атина, невремето „Даниел“ направи пустош низ Грција
(Видео) Вознемирувачки снимки од невремето кое го погоди Волос во Грција
МИА/Фото: Влада